Versió Corse

U Corbu è a Volpe

Maestru Corbu, annant’à un castagnu caravunatu,
Tinìa in bocca un bel'casgiu quatratu.
Stu casgiu, sicondu l’amicu Biondinu, u piscadore cusì finu,
Stu casgiu, u Corbu l’avìa furatu à un Niulincu chjamatu Pincu.
Una volpe, attirata da l’odore putente,
Si liccava digià è le labbre è li denti;
È, cridendu d’empie la so’ panza,
Disse, inc’un’aria di circunstanza:
- "Salutu, salutu ! signor’Acellu!
Sè (vo) sapete cantà quant’è vo site bellu,
Site lu Rè di lu nostru cantone...".
U Corbu si pone in furconu
U casgiu quatratu ch’ellu avìa furatu
È disse : - "O Volpe, o Volpe ! Di li sette colpi!
À quale crede di biffà?
Stu casgiu hè meiu, sè t’ùn a sai.
Asciuva la to lingua è teni lu to fiatu,
Chì l'hà da avè ùn hè ancu natu !".
Frà quistu tempu, pianu pianu, una curnachja
Si piglia u casgiu è sparisce ind'a machja...
Muralità
O latru, stà attente à lu terzu latrone!
S’ellu ùn hè volpe, sarà vulpone!