Versió Pas de Calais

L'cornal et l'renard

Enn cornal in biau jour (du qu'al l'avaut été querre ?)
Al s'étaut imparé d'in morciau d'caminbert
Et tout contint d'elle même et d'ess bonne aubaine
Al s'étaut involé tout in haut d'in grand quêne

El fromach' d'el cornal y sintaut tellemint bon
Qu'in renard, ed s'in terrier, y n'a sorti tout d'in bond
Ah! louarou qui dit, in diro qu'cha sin l'fromach'
S'inna par ichi, m'in passé, cha séro dommach'

I cachaut d' tout côté, quant'in l'vant sin musiau
Y'aperchut l'cornal, ed su ch'quêne, tout in hau
Aveucque ech' caminbert qui n'y mucho tout s'tête
Bin minsse qui dit ch'renard tout pindant qu'il l'arvette

Inne cornal ch'est si bête, in renard ch'est si malin
Al mingeraud et mi ej n'éro rien
Quel plaisir d'el sintir, non cha n'est pas conv'nappe
Ch'renard, in dijant tout cha, y s'aboul près d'ech lappe

Et pour flatter chel cornal y s'met à dire tout haut
" Et j'nai mi jamais vu, ed ma vie, parel osiau!
Et y'est jamais possible eque cha seuche inne cornal
J' n'ai toudis pas vu d'si belle din tout l'futaille

Cha ché sur, jé n'min pon, si jamais sin cant min'me
Il est si biau à intinn' qu'à vir es habillemint
Y n'ia pas pu biau osiau du qu'in ira dins l'monde
Et din tout l'univers à chin lieu à la ronde"

In intindant tout cha, chet quel cornal, al gobeau
Et pour montrer ess bell' voix, vla qual eq minche in morciau
Couac qu'al fait l'cornal, couac ! pardouffe ech caminbert
Inter les branques d'ech quêne, y dégringole tout jusqu'à terre

Couac, qual fait l'cornal, couac ! ... bravo qui dit ech glouton
Si t'voix al n'est pas belle, tin fromach' y'est bon.
El morale ed tout cha, si y faut vous l'apprinne
Ch'est qui n'faut pas parler, ... tout le temps qu'in a s'bouque plinne.